Skip to main content

التعرف على الذات

اسمي مريم الباشا 

عمري 19 سنة , سكان مدينة القدس .

مولودة بعائلة مختلطة الاديان , ابوي مسلم وامي مسيحية وهادا بالتالي خلق عندي نوع من التشتت الديني وعدم الادراك للهوية الدينية .

انا مولودة كمان بعائلة فنية , ابوي ممثل و مخرج وامي مغنية و ممثلة , وهادا الاشي ادى لاني اهتم بالمسرح من صغري , بحيث انه اول عمل مسرحي الي كان وانا بعمر 7 سنين . 

كان حلمي كل عمري اني بعد ما اخلص دراستي المدرسية ادخل على عالم المسرح بشكل خاص والتمثيل بشكل عام كمحترفة , وبعد ما خلصت توجيهي اكتشفت انه صعب جدا اوفق بين دراستي الجامعية و عملي بالمسرح , خاصة انه كان بدي اشتغل بشكل احترافي و مهني و جدي ,  ف قررت اني اخد سنة استراحة بعد التوجيهي اتفرغ فيها للمسرح و بعدها برجع بكمل دراستي الجامعية , اغلب معارفي وقفي ضدي بس قررت اخد هاي الخطوة , بس هادا الاشي ما منعني او وقف بوجهي , كان قراري واضح و صريح , وهون كانت نقطة التحول بحياتي .